«Арсенал» клубининг яримҳимоячи Макс Доуменга нисбатан белгиланган жазони адолатсиз ва ҳаддан ташқари оғир деб ҳисоблаб, бу борада берган апелляцияси мустақил комиссия томонидан рад этилди.
16 ёшли футболчи Англия Лига кубогининг 1/8 финал босқичидаги «Флитвуд»га (1:1, пеналтилар сериясида — 3:5) қарши баҳсда рақиб футболчисининг кўкрагига оёғи билан зарба бергани учун тўғридан тўғри қизил карточка олганди.
Англия ФА расмий баёнотида таъкидланишича, Доумен 3 та ўйинга дисквалификация қилинган.
Ҳодиса беллашувнинг 85-дақиқасида содир бўлган. Доумен рақиб футболчисининг ўзига нисбатан қўпол ўйнаганидан норози бўлган. Шундан сўнг англиялик ўйинчи рақибига қараб бурилиб, унинг кўкрагига оёғи билан зарба берган. Бу воқеадан кейин ҳар икки жамоа футболчилари ўртасида жанжал келиб чиққан.
«Арсенал»нинг Доумен бўйича берган апелляцияси рад этилди
Футбол
30 октябр, 02:30
16 ёшли яримҳимоячи Лига кубогида қизил карточка олиб, 3 та ўйинга четлатилганди.
Foto: Getty Images
