«Сакраменто Кингс» жамоасининг 19 ёшли плеймейкери Дариус Эйкафф NBA'даги фаолиятининг дастлабки бешта ўйинида камида икки марта 30 очко жамғарган сўнгги 30 йилдаги биринчи баскетболчига айланди. Бу ҳақда «Ню-Орлеан Пеликанс»га қарши учрашув трансляцияси вақтида NBC Sports маълум қилди.
30 октябр куни тунги вақтда бўлиб ўтган «Пеликанс»га қарши баҳсда Эйкафф 34 очко тўплади. У майдондан амалга оширган 26 та зарбасининг 13 таси саватчага тушди. Бунгача 24 октябрь куни «Портленд Трэйл Блэйзерс»га қарши ўйинда (120:128) ҳимоячи ўз ҳисобига 33 очко ёздириб қўйгкнди.
Шу тариқа америкалик баскетболчи NBA'даги дебют мавсумининг (2026/2027) дастлабки бешта учрашувидаёқ икки марта 30 очколик чегарадан ўтди.
Бундай натижага сўнгги бор Аллен Айверсон 1996/1997 йилги мавсумда эришганди. Умуман олганда, 1959 йилдан буён 9 нафар баскетболчи шундай натижа қайд этган. Улар орасида Шакил О'Нил (1992/1993), Уилт Чемберлен (1959/1960) ва Уолт Беллами (1961/1962) ҳам бор.
Дариус Эйкафф 2026 йилги NBA драфтида «Сакраменто Кингс» томонидан 7-рақам остида танланган эди. Унга қадар баскетболчи Арканзас университети жамоасида ўйнаган.
Баскетбол. 19 ёшли дебютант NBA'да ХХI асрда кузатилмаган натижани қайд этди
Бошқалар
30 октябр, 01:00
У дастлабки беш ўйинининг иккитасида 30+ очко жамғарди.
Foto: Getty Images
