Александр Зверев ATP рейтингида дунёнинг биринчи ракеткасига айланди.
Бунгача дунёнинг иккинчи ракеткаси бўлиб турган германиялик теннисчи Венадаги ATP-500 турнирининг иккинчи даврасида қўлга киритган ғалабаси эвазига 2 ноябр куни ҳафталик рейтинг янгилангач, дунёнинг биринчи рақамли теннисчиси бўлади.
Зверве Австрия пойтахтида ўтказилаётган турнирнинг чоракфиналига чиқиш учун кечган баҳсда жаҳон рейтингида 50-ўринни эгаллаб турган нидерландиялик Таллон Грикспурни 6:4, 7:5 ҳисобида мағлуб этди.
Бунгача дунёнинг биринчи ракеткаси италиялик Янник Синнер эди, аммо у тиззасидаги муаммолар сабабли мавсумни муддатидан олдин якунлаган.
Зверев бу мавсумда фаолиятида илк бор «Катта дубулға» туркумидаги турнирда ғолиб чиқиб, «Ролан Гаррос» чемпионига айланди. Орадан уч ой ўтиб эса US Open финалида ҳам ғалаба қозониб, ўзининг иккинчи «Катта дубулға» титулини қўлга киритди.
Александр Зверев дунёнинг биринчи рақамли теннисчисига айланди
Теннис
30 октябр, 03:00
Германиялик теннисчи Венадаги турнир чоракфиналига чиққач, рейтингда Синнерни ортда қолдирди.
Foto: Getty Images
