Кэррик: «МЮ»даги келажагим борасида ҳеч қандай кафолат керак эмас»

«Манчестер Юнайтед» бош мураббийи Майкл Кэррик клубдаги келажаги ҳақида фикр билдирди.

АПЛнинг 8-туридан сўнг манчестерликлар турнир жадвалида 16-ўринни эгаллаб турибди.

— Ўйин ва натижадан ҳафсаламиз пир бўлди. Ҳозир энг муҳими — бу вазиятни енгиб ўтиш, нималарни яхшироқ қилишимиз мумкинлигини, қайси жиҳатларда ўсишимиз кераклигини ва вазиятни ижобий томонга ўзгартириш учун нималар қилишимиз лозимлигини англаб олиш.

Шундан сўнг машғулотлар ва «Челси»га қарши навбатдаги учрашувга тайёргарликка эътибор қаратишимиз керак. Олдинда бизни муҳим ҳафта кутмоқда. Ҳозир бутун диққат-эътиборим айнан вазиятни қандай қилиб ижобий томонга ўзгартиришга қаратилган.

— Клуб раҳбарияти билан келажагингиз ҳақида гаплашдингизми?

— Менга ҳеч кимдан ҳеч қандай кафолат керак эмас. Вазиятни жуда яхши тушуниб турибман. Бу қандай иш эканини биламан, ўз масъулиятимни ва бу масъулият нималарни талаб қилишини яхши англайман. Шу сабабли бу борада менга ҳеч қандай кафолат керак эмас, — дея Кэррикнинг сўзларини келтиради ВВС.