Тевес Скоулзни Роналду ва Мессидан устун қўйди

Карлос Тевес «Манчестер Юнайтед»да икки йил бирга ўйнаган Пол Скоулздан катта таассурот олганини айтди.

— Ҳужумдаги учликни эсласак: сен, Роналду, Руни, кейин эса Бербатов ҳам қўшилган... Тезкор савол: Пол Скоулзми ёки Давид Силвами?

— Скоулз. Мен учун у — энг яхши футболчи.

— Лекин сен Роналду, Месси билан ҳам бирга ўйнагансан-ку...

— Йўқ, мен учун — Скоулз. Машғулотларни эслайсанми? У ҳеч нарса демасди, умуман гапирмасди. Аммо тўп билан биринчи ҳаракати... Машғулотларда доим бир хил ҳолат бўларди: пас, пас, пас.

Мен учун у — энг зўри. Андреа Пирло ва Пол Скоулз, — деди «Манчестер Юнайтед» ва «Ювентус»нинг собиқ ҳужумчиси Рио Фердинандга берган интервюсида.