«МЮ» январ ойида «Лидс» форвардини ўз сафига қўшиб олмоқчи

«Манчестер Юнайтед» январ ойида янги марказий ҳужумчи билан шартнома имзоламоқчи.

The Athletic нашри маълумотига кўра, манкунианликлар эътиборини тортган футболчилардан бири — «Лидс» ҳужумчиси Доминик Кэлверт-Люин.

Англиялик 29 ёшли футболчи анча вақтдан бери «МЮ» эътиборида бўлиб келмоқда. Клуб скаутлари қишки трансфер ойнасида уни жамоага олиб келиш имкониятини ўрганишмоқда.

Шу билан бирга, «Лидс» футболчини сотиш ниятида эмаслиги ва у билан шартномани узайтирмоқчилиги таъкидланмоқда. Ҳужумчининг клуб билан амалдаги шартномаси 2028 йилгача мўлжалланган.

Кэлверт-Люин бу мавсумда АПЛда 8 та баҳсда 4 та гол урди, ўтган мавсумда эса Англия чемпионатининг 35 та ўйинида 14 та голга муаллифлик қилган.