Ди Канио: «Бу «Ювентус»нинг на юзи, на руҳи бор. Ҳақиқий хаос»

«Ювентус»нинг собиқ ҳужумчиси Паоло Ди Канио Италия чемпионати 10-тури доирасида «Женоа»дан 0:2 ҳисобидаги мағлубиятдан сўнг жамоани кескин танқид қилди.

Туринликлар 9 та баҳсда 14 очко тўплаб, А Серияда 8-ўринни эгаллаб турибди.

«Бу жамоанинг на ўз қиёфаси, на руҳи бор. Тактик схемаларни ўзгартириш, ҳатто «Лечче» каби жамоаларни мағлуб этиш ҳам мумкин — Италияда унчалик кучли бўлмаган рақиблар ҳам бор. Жамоа майдонда ёмон кўринмаслиги мумкин, аммо рақиб дарвозаси олдида ўткирлик ва шиддат етишмаяпти.

Жамоада руҳ йўқ. Ҳеч қандай ижобий ўзгариш аломати кўринмаяпти. Баъзан 10–15 дақиқалик қисқа вақт оралиғида нимадир ўхшайди, аммо кейин Калулу каби футболчилар — доимо ишончли ўйини ва тўғри қарорлари билан ажралиб турган ўйинчилар — хатоларга йўл қўя бошлайди.

Бу — ҳақиқий хаос. Улар бу вазиятдан қандай чиқиб кетишини тушунмаяпман», — деди Ди Канио Sky Sport Italia эфирида.