«Yuventus»ning sobiq hujumchisi Paolo Di Kanio Italiya chempionatining 10-turi doirasida «Jenoa»dan 0:2 hisobidagi mag‘lubiyatdan so‘ng jamoani keskin tanqid qildi.
Turinliklar 9 ta bahsda 14 ochko to‘plab, A Seriyada 8-o‘rinni egallab turibdi.
«Bu jamoaning na o‘z qiyofasi, na ruhi bor. Taktik sxemalarni o‘zgartirish, hatto «Lechche» kabi jamoalarni mag‘lub etish ham mumkin — Italiyada unchalik kuchli bo‘lmagan raqiblar ham bor. Jamoa maydonda yomon ko‘rinmasligi mumkin, ammo raqib darvozasi oldida o‘tkirlik va shiddat yetishmayapti.
Jamoada ruh yo‘q. Hech qanday ijobiy o‘zgarish alomati ko‘rinmayapti. Ba’zan 10–15 daqiqalik qisqa vaqt oralig‘ida nimadir o‘xshaydi, ammo keyin Kalulu kabi futbolchilar — doimo ishonchli o‘yini va to‘g‘ri qarorlari bilan ajralib turgan o‘yinchilar — xatolarga yo‘l qo‘ya boshlaydi.
Bu — haqiqiy xaos. Ular bu vaziyatdan qanday chiqib ketishini tushunmayapman», — dedi Di Kanio Sky Sport Italia efirida.
Di Kanio: «Bu «Yuventus»ning na yuzi, na ruhi bor. Haqiqiy xaos»
Futbol
29 oktabr, 15:07
Turin klubining sobiq hujumchisi jamoani keskin tanqid qildi.
Foto: Getty Images
