Dragan Cheran «Andijon»ni tark etdi

Hujumchi Dragan Cheran mavsum yakunlanmasidan «Andijon» bilan xayrlashdi.

«Ziga-zaga, rahmat», — deb yozdi 39 yoshli futbolchi ijtimoiy tarmoqlardagi sahifalarida.

Serbiyalik forvard oxirgi bor 15 oktabr kuni Superliga doirasida «Qizilqum»ga (0:1) qarshi bahsda maydonga tushgan, shundan so‘ng «burgutlar»ning ikki o‘yinida qaydnomaga ham kiritilmagandi.

Cheran bu mavsumda 22 ta o‘yin o‘tkazib, 3 ta gol urdi va 1 ta golga assistentlik qildi.

Hujumchi 2016-yildan beri O‘zbekiston chempionatida o‘ynab kelardi. U faoliyatining asosiy qismini «Paxtakor» va «Nasaf»da o‘tkazgan, 6 bor Superliga to‘purari bo‘lgan.