Vinisius mutaxassislar bilan tezligi va driblingi pasayganining sababini o‘rganmoqda

Braziliya milliy jamoasi va Madridning «Real» klubi vingeri Vinisius Junior avvalgi tezligida yugura olmayotganining sabablarini mutaxassislar bilan birgalikda o‘rganmoqda.

Shuningdek, 27 yoshli futbolchi dribling sifati pasayganining sabablarini ham aniqlashga harakat qilmoqda. Bu haqda jurnalist Tomas Gonsales-Martin o‘zining X ijtimoiy tarmog‘idagi sahifasida xabar berdi.

Bu mavsumda Vinisius barcha musobaqalarda 11 ta bahsda ishtirok etib, 1 ta gol urdi va 3 ta golga assistentlik qildi.

Futbolchining madridliklar bilan amaldagi shartnomasi 2032 yilning yoziga qadar mo‘ljallangan. Transfermarkt portali ma’lumotlariga ko‘ra, uning qiymati 130 million yevroni tashkil etadi.