«Ювентус» бош мураббийи Лучано Спаллетти А Сериянинг 9-турида «Женоа»дан учралган мағлубиятдан кейин жамоасидаги муаммолар ҳақида фикр билдирди. Мутахассис футболчиларга замонавий футбол талабларини сингдириш қийин кечаётганини таъкидлади.
«Мени энг кўп хавотирга солаётган нарса — футбол ўзгарганини футболчиларга тушунтира олмаётганим. Яккакурашларда ғалаба қозониш ва майдоннинг барча қисмларида тинимсиз прессингга дош бериш керак. Замонавий футбол шуни талаб қилади.
Машғулотларда буни амалга оширишга уринганимизда, футболчиларга керакли даражага чиқиш қийин бўлмоқда. Бунга қисман тўлақонли машғулотлар ўтказиш учун вақтимиз йўқлиги ва таркиб танлаш имкониятимиз чеклангани сабаб бўлмоқда. Натижада чарчоқ тўпланиб боряпти. Бу мени бироз хавотирга солади.
Ҳар сафар олдинга қадам ташлаб, янги нарсани синаб кўришимиз керак бўлганда, унинг самара бериши учун вақт талаб этилади. Аммо айнан вақт бизда йўқ», — деди Спаллетти.
Эслатиб ўтамиз, Спаллетти «Ювентус» бош мураббийи сифатида жамоани А Серия ва Европа мусобақаларида бошқармоқда.
