«Бавария» бош мураббийи Венсан Компани шифохонадан чиқиб, уйига қайтди. Бу ҳақда журналист Фабрицио Романо 29 октябр куни маълум қилди.
Манбага кўра, белгиялик мутахассис ҳозирда тикланиш жараёнини давом эттирмоқда. «Бавария» раҳбарияти Компанининг тўлиқ дам олиши ва ўзини 100 фоиз яхши ҳис қилмагунча мураббийлик ишига қайтмаслигини истамоқда.
Шу сабабли мутахассиснинг жамоа машғулотлари ва ўйинларидаги фаолиятини қачон давом эттириши унинг тикланиш жараёнига боғлиқ бўлади.
Маълумот учун, Венсан Компани «Бавария» бош мураббийи сифатида фаолият юритмоқда. Жамоа Бундеслига доирасидаги кейинги ўйинни 31 октябр куни ўз уйида «Боруссия Д»га қарши ўтказади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади