«Манчестер Юнайтед»нинг собиқ сардори Рой Кин жамоа бош мураббийи Майкл Кэррикнинг фаолияти ҳақида кескин фикр билдирди. Ирландиялик собиқ футболчининг фикрича, мутахассис «Борнмут»га қарши баҳсдан кейин истеъфога чиқарилиши керак эди.
«Мен уни «Борнмут» билан ўйиндан кейиноқ ишдан бўшатишларини кутгандим. Биринчи кунданоқ Кэррик бу лавозим учун етарлича яхши эмаслигини айтиб келганмиз. Ўтган мавсумда Майкл бир нечта баҳсда жамоани бошқарди ва кейин бош мураббийга айланди. Кўпчилик ўтган мавсумдаги натижалари учун унга бу лавозимни бериш кераклигини таъкидлади. Ҳозир эса у натижа кўрсата олмаяпти, бироқ одамлар айбни директорлар кенгашидан изламоқда», — дея Киннинг сўзларини келтиради Тhe Touchline.
Маълумот учун, АПЛнинг сўнгги турида «Манчестер Юнайтед» ўз майдонида «Борнмут»га 0:3 ҳисобида мағлуб бўлди.
Эслатиб ўтамиз, манба хабарига кўра, ушбу мағлубиятдан кейин «Манчестер Юнайтед» Англия Премер-лигаси турнир жадвалида 17-ўринни эгаллаб турибди.
