«Катта дубулға» туркумига кирувчи мусобақаларнинг икки карра чемпиони, дунёнинг биринчи ракеткаси, қозоғистонлик теннисчи Елена Рибакина йил якунида рейтингда биринчи ўринни эгаллашини кафолатлади. Бу ҳақда у Токиодаги WTA-500 турнирининг иккинчи даврасида ҳамюрти Юлия Путинцевани мағлуб этганидан сўнг маълум бўлди. Учрашув 6:2, 6:2 ҳисобида якунланди.
Энди Рибакина чемпионлик пойгасида 8099 очкога эга, беларуслик энг яқин таъқибчиси Арина Сабаленко ҳисобида эса 6550 очко мавжуд.
Бу мавсумда Рибакина Австралия очиқ чемпионати, АҚШ очиқ чемпионати, шунингдек, Штутгарт ва Нингбодаги турнирларда ғолиб чиқди.
Токиодаги WTA-500 чоракфиналида Елена Рибакина Канада вакиласи Лейла Фернандесга қарши кортга чиқади.
