Италия А Серияси 9-тури доирасида Туриннинг «Ювентус» жамоаси «Женоа» билан баҳс олиб борди ва 0:2 ҳисобида имкониятни бой бериб қўйди.
Бу натижа ҳақида «кекса синиора» яримҳимоячиси Вестон МакКенни фикр билдириб ўтди.
«Рақиблар биздан яхшироқ эди, шунинг учун натижа ҳам уларнинг фойдасига бўлди. Майдонда кўпроқ ҳаракат қилишимиз керак. Биз «Ювентус»миз, бундай клубда ўйиндаги бундай ностабиллик қабул қилиб бўлмайди. «Юве» катта тарихга эга. Биз барқарорликка эришишимиз ва ғалаба қозонишимиз керак», - дея америкалик футболчининг сўзларидан иқтибос келтиради Football-Italia.
Маълумот учун, Италия чемпионатининг тўққиз туридан сўнг «кекса синиора» 14 очко жамғариб, турнир жадвалида саккизинчи ўринда бормоқда.
