«Интер Майами» ҳужумчиси Лионел Месси МЛС мунтазам чемпионатининг «Синсиннати»га қарши баҳсида самарали ҳаракатлари билан ажралиб турмади. 2:2 ҳисобида якунланган беллашувда аргентиналик футболчи гол уриш ёки голли узатмани амалга ошира олмади.
39 ёшли Месси майдонда тўлиқ ҳаракат қилди ва 44-дақиқада сариқ карточка олди. У рақиб дарвозаси томон бешта зарба йўллади, бироқ уларнинг ҳеч бири дарвоза соҳасига аниқ бормади: иккита зарба дарвоза ташқарисидан кетди, яна учтаси ҳимоячилар томонидан тўсилди.
Шу тариқа, аргентиналик юлдуз МЛСда кетма-кет иккинчи баҳсда гол ёки ассист қайд этмади. Бунгача у «Ню-Йорк Ред Буллз»га қарши ўйинда ҳам самарали ҳаракат қила олмаган. Ўша баҳсда «Интер Майами» 0:2 ҳисобида мағлуб бўлган, Месси эса иккинчи бўлимда захирадан майдонга тушган эди.
Маълумот учун, Месси ушбу мавсумда МЛС доирасидаги 29 та баҳсда 25 та гол уриб, 12 та голли узатмани амалга оширган.
