Кэррик: «Фернандеш «МЮ» сардори бўлиб қолади»

«Манчестер Юнайтед» бош мураббийи Майкл Кэррик Бруну Фернандешнинг жамоа сардори бўлиб қолишини тасдиқлади.

Аввалроқ португалиялик футболчи Чемпионлар лигасининг умумий босқичи 3-туридан ўрин олган «Комо»га (1:4) қарши кечган баҳсда жамоа тактикасини танқид қилганди. Шундан сўнг у Англия Премер-лигасининг 8-тури доирасидаги «Борнмут»га (0:3) билан ўйинни тўлиқ захира ўриндиғида ўтказди.

Сешанба куни Кэррик ва Бруну клуб базасида учрашиб, юзага келган вазиятга ойдинлик киритишди.

«Биз ҳозир жамоа ва клубдаги вазият қандай эканини тушуниб турибмиз. Аввал ҳам айтганимдек, Бруну — бу жамоа учун жуда муҳим футболчи. Аввал ҳам шундай бўлган ва бундан кейин ҳам шундай бўлиб қолади. Очиқ гаплашадиган бўлсак, биз ниманидир ўзгартиришимиз ва вазиятни тўғри йўналишга буришимиз керак.

У бу клубга бутун қалби билан содиқ ва вазиятни тузатишга қатъий бел боғлаган. Унинг билдирган фикрлари ҳеч нарсани ўзгартирмайди. У узоқ йиллар давомида жуда кўп ўйинларда жамоанинг ажойиб сардори бўлиб келган ва бундан кейин ҳам шундай бўлиб қолади», — дея Кэррикнинг сўзларини келтиради ВВС.