«Ювентус» бош мураббийи Лучано Спаллеттининг келажаги сўроқ остида. Foot Mercato нашри La Stampa ва бошқа ОАВларга таяниб хабар беришича, Турин клуби раҳбарияти франциялик мутахассис Диде Дешамни Спаллеттига ўринбосар сифатида кўриб чиқмоқда.
«Ювентус» А Сериянинг сўнгги турида «Женоа»га 0:2 ҳисобида мағлуб бўлди. Ушбу натижадан кейин Спаллеттининг яқин кунларда лавозимини тарк этиш эҳтимоли ошган. Туринликлар 9-турдан сўнг 14 очко билан турнир жадвалида саккизинчи ўринда бормоқда.
Дешамдан ташқари, номзодлар рўйхатидан Стефано Пиоли ва Антонио Конте ҳам жой олган. Ла Репубблиcа нашри ҳам «Ювентус»нинг франциялик мутахассисга қизиқишини тасдиқлаган. Шу билан бирга, Контенинг Турин клубига келишга унчалик қизиқмаётгани, «Манчестер Юнайтед»дан таклиф кутиши мумкинлиги айтилмоқда.
Маълумот учун, Диде Дешам футболчилик фаолияти давомида «Ювентус» шарафини ҳимоя қилган. У Турин клуби билан Чемпионлар лигасида ғолиб чиққан ва уч марта Италия чемпионлигини қўлга киритган.
Эслатиб ўтамиз, «Ювентус» дам олиш кунлари «Наполи»га қарши майдонга тушади. ОАВ хабарларига кўра, ушбу баҳс натижаси Спаллеттининг келажагини белгилашда муҳим аҳамият касб этиши мумкин.
