Ҳарри Кейн 2026 йилги «Олтин тўп» мукофотини қўлга киритди, бироқ унинг собиқ клуби «Тоттенҳэм» бундан қўшимча даромад олмайди. Одатда йирик трансферлар шартномасига футболчи ушбу нуфузли совринни қўлга киритган тақдирда тўланадиган бонус киритилиши мумкин.
Журналист Флориан Плеттенбергнинг маълум қилишича, Кейннинг «Тоттенҳэм»дан «Бавария»га ўтиши бўйича келишувда бундай банд бўлмаган. Шартномада бошқа бонуслар назарда тутилган, аммо улар «Олтин тўп» билан боғлиқ эмас.
Кейн Мюнхен клубидаги фаолияти давомида самарали ўйин намойиш этмоқда. У «Бавария» сафида 159 та баҳсда қатнашиб, 156 та гол урган ва жамоадошларига 40 та голли узатма берган.
Маълумот учун, «Бавария» Германия кубогининг чоршанба кунги баҳсида «Магдебург»ни 6:1 ҳисобида мағлуб этди. Кейн ушбу ўйинни захира ўриндиғида ўтказди.
Эслатиб ўтамиз, инглиз ҳужумчиси «Бавария» сафида 2023 йилдан буён тўп тепмоқда.
