Жаҳонгир Ўрозов: «Каннаваро истеъфога лойиқ эмас. Ўзбекистон кейинги ЖЧда яхшироқ қатнашади»

«Рубин» клуби ва Ўзбекистон миллий жамоаси ҳимоячиси Жаҳонгир Ўрозов Фабио Каннаваро қўл остида ишлаш унга ёқишини айтди.

— Каннаваро мураббий сифатида нимаси билан ажралиб туради?

— У — инсон сифатида жуда меҳрибон. Ҳам футбол майдонида, ҳам ундан ташқарида барчага ёрдам беради. Масалан, Фабио машғулотлардан кейин ҳам тез-тез қолиб, футболчилар билан индивидуал тарзда ишлайди. Шахсан менга ҳам Каннаваро тарихдаги энг яхши ҳимоячилардан бири сифатида кўп нарсаларни ўргатди. Миллий жамоадаги шерикларимдан эшитаманки, у шахсий муаммолар бўйича ҳам доимо ёрдам беришга тайёр.

— Жаҳон чемпионатидан кейин Каннаваро танқидларга учради.

— Бу кутилган ҳолат эди. Мухлислар кўпроқ нарса кутишган. Аммо мен мураббий истеъфога чиқишга лойиқ эди, деган фикрга қўшилмайман. Ўзбекистон миллий жамоаси тарихда биринчи марта Жаҳон чемпионатига йўл олди. Бунинг ўзи — катта ютуқ. Ўйлайманки, кейинги мундмалда Ўзбекистон янада яхшироқ иштирок этади.

— Агар Каннаваро Россия Премер-лигасидаги бирор клубни бошқарса, уни чемпион қила олармиди?

— Менимча, ҳа. У кўплаб футболчиларни яхши билади, Фабионинг мураббийлар штаби ҳам кучли. Унинг иш услуби Россия Премер-лигасига ҳам аниқ мос келарди.

— Каннаваронинг «Рубин» бош мураббийи бўлишини хоҳлармидингиз?

— Ҳа, албатта. Менимча, Каннаваро «Рубин»ни чемпион қила оларди. Бизнинг жамоамиз бой тарихга эга, — деди Ўрозов Sport24 билан суҳбатда.