Нидерландиялик журналист «Олтин тўп» сўровномаси ҳақида: «Мен Кейн вакилларидан хат олгандим»

«Олтин тўп» соврини овоз бериш жараёнида иштирок этган нидерландиялик журналист ўз танлови ҳақида гапирди.

Маълумот учун, тақдирлаш маросими 26 октябр, душанба куни бўлиб ўтди. Табиийки овозлар бундан анча олдин ҳисоблаб чиқилган.

«Мбаппе жаҳон чемпионатида тарихга кирди, шунинг учун у мен учун энг яхшиси эди. Ламин Ямал сўнгги ойларда ажойиб ўйнади, аммо Родри жаҳон чемпионатида кўпроқ устунлик қилди.

Овоз бериш яқинлашаркан босим кучайди. Улар журналистларга турли йўллар билан таъсир ўтказишга ҳаракат қилишди. Мисол учун, мен Ҳарри Кейннинг PR жамоасидан хат олдим, унда мендан форвард билан эксклюзив интервюга қизиқасизми, деб сўрашди», – дея нидерландиялик мутахассис сўзларидан иқтибос келтиради Madrid Zone.

Ғолиб номи аниқлангач, ташкилотчилар Кейннинг Мбаппедан устунлиги минимал эканлигини ва анча вақтгача айнан франциялик ҳужумчи етакчилик қилганини тан олишди.