«Манчестер Юнайтед» клубининг аргентиналик ҳимоячиси Лисандро Мартинес жамоани тарк этиши мумкин. Бу ҳақда журналист Марк Брус хабар бермоқда.
Манба маълумотларига кўра, 28 ёшли футболчининг хизматларига Италия А Сериясининг бир қанча клублари қизиқиш билдирмоқда. Аммо ҳимоячига энг жиддий қизиқиш «Атлетико Мадрид» томонидан бўлаётганлиги қайд этилган.
Янги мавсумда Мартинес барча мусобақаларни инобатга олган ҳолда тўққизта беллашувда қатнашиб, 1 та гол урди.
Маълумот учун, Мартинеснинг «қизил иблислар» билан амалдаги меҳнат шартномаси 2027 йилнинг ёзигача мўлжалланган.
Машҳур Transfermarkt портали аргентиналик футболчининг актуал трансфер нархини 45 миллион еврога баҳоламоқда.
Эслатиб ўтамиз, 8-турдан кейин бор йўғи 7 очко тўплаган «Манчестер Юнайтед» АПЛ мусобақа жадвалининг 16-поғонасидан ўрин эгаллаб турибди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади