«Manchester Yunayted» klubining argentinalik himoyachisi Lisandro Martines jamoani tark etishi mumkin. Bu haqda jurnalist Mark Brus xabar bermoqda.
Manba ma’lumotlariga ko‘ra, 28 yoshli futbolchining xizmatlariga Italiya A Seriyasining bir qancha klublari qiziqish bildirmoqda. Ammo himoyachiga eng jiddiy qiziqish «Atletiko Madrid» tomonidan bo‘layotganligi qayd etilgan.
Yangi mavsumda Martines barcha musobaqalarni inobatga olgan holda to‘qqizta bellashuvda qatnashib, 1 ta gol urdi.
Ma’lumot uchun, Martinesning «qizil iblislar» bilan amaldagi mehnat-shartnomasi-2027-yilning yozigacha mo‘ljallangan.
Mashhur Transfermarkt portali argentinalik futbolchining aktual transfer narxini 45 million yevroga baholamoqda.
Eslatib o‘tamiz, 8-turdan keyin bor yo‘g‘i 7 ochko to‘plagan «Manchester Yunayted» APL musobaqa jadvalining 16-pog‘onasidan o‘rin egallab turibdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi