Лондоннинг «Тоттенҳем» клуби ҳимоячиси Педро Порро «Реал» ва «Барселона» томонидан қизиқиш ҳақидаги гап-сўзларга қандай муносабатдалиги билан ўртоқлашди.
«Ўзимни хотиржам ҳис қилиш учун жаҳон чемпионатидан олдин «Тоттенҳем» билан шартномамни узайтирдим. Гап-сўзлар бўлди, улар менинг вазиятим билан қизиқдилар, лекин иш реал таклифгача етиб боргани йўқ. Мен бу таклифларнинг ҳеч бирини тинглашни ҳам хоҳламадим», — дея Порронинг сўзларидан иқтибос келтиради Madrid Zone.
Маълумот учун, янги мавсумда 27 ёшли испаниялик футболчи барча мусобақаларни ҳисобга олган ҳолда бешта беллашувда иштирок этди ва ҳозирча бирорта ҳам гол ура олмади.
Эслатиб ўтамиз, Порронинг «Тоттенҳем» билан амалдаги шартномаси 2031 йилгача мўлжалланган.
Transfermarkt портали ҳимоячининг актуал трансфер нархини 45 миллион еврога баҳоламоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади