Англиянинг «Манчестер Сити» клуби яримҳимоячиси Энцо Фернандес келажакда Аргентинанинг «Ривер Плейт» жамоаси таркибига қайтишни исташини маълум қилди. Футболчи айнан шу клуб сафидан 2022 йилда Европага йўл олган эди.
«Кун келиб мен «Ривер Плейт»га қайтишни хоҳлардим. Бу ҳақда бир неча бор айтганман ва ишончим комил, вақти келиб, бу амалга ошади. Бу мен чиндан истайдиган нарса. Бироқ бугун мен «Манчестер Сити»даман. Олдинда ҳали узоқ йўл кутиб турибди», — дея Фернандес сўзларидан иқтибос келтиради Sport Witness.
Ёзги трансферлар ойнаси даврида Фернандес «Челси»дан «Манчестер Сити» сафига кўчиб ўтди. Трансфер суммаси 145 миллион еврони ташкил қилди.
Маълумот учун, «шаҳарликлар» сафида 25 ёшли яримҳимоячи 10 та ўйинда майдонга тушиб, 1 та гол урди ва 1 та ассист муаллифига айланди.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади