Argentina milliy jamoasi hujumchisi Lionel Messi JCH-2026 pley-off bosqichida jarima zarbalaridan hali hisobini ochgani yo'q.
1/16 finalda Kabo-Verdega qarshi bahsda (3:2, qo'shimcha bo'limlarda) 39 yoshli futbolchi to'rt marta jarima zarbasini amalga oshirdi. Ularning uchtasini Kabo-Verde darvozaboni Vozinya qaytargan bo'lsa, yana bir zarba himoyachilar devoriga tekkan.
Misrga qarshi 1/8 final bahsida (3:2) esa Messi yana bir bor jarima zarbasini ijro etdi. Uchrashuvning 31-daqiqasida yo'llangan zarba darvoza ustuniga tegib qaytdi.
Qayd etish joiz, Messi ushbu Jahon chempionatida jarima zarbasidan bitta gol urishga muvaffaq bo'lgan. U guruh bosqichining 3-turida Iordaniyaga qarshi bahsda (3:1) to'g'ridan to'g'ri jarima zarbasini golga aylantirgandi.
