Жаҳон чемпионати 1/8 финал босқичи доирасидаги Аргентина - Миср ўйинидан (3:2) кейин Африка вакили етакчиси Муҳаммад Салоҳ аргентиналик ҳужумчи Лионел Месси ҳақидаги фикрлари билан ўртоқлашди.
Аввалига Месси пеналтидан унумли фойдалана олмади, бироқ кейин голли узатма етказиб берди ва ўзи ҳам 1 та гол уришга муваффақ бўлди.
Таъкидлаш лозим, Миср ўйин давомида 2:0 ҳисобида олдинда бора туриб, якунда ҳаттоки дурангни ҳам сақлаб қола олмади.
«Биз қўлимиздан келганини қилдик, лекин Месси деган йигит бор, у исталган вақтда ўйин тизгинини буриб юбориши ва баҳсни бир ўзи ютиб кетиши мумкин. Месси қолган футболчилардан анча юқори даражада туради, буни тан олишим керак», — дея Салоҳ сўзларидан иқтибос келтирди La Derecha Diario.
Эслатиб ўтамиз, Аргентина миллий жамоаси 1/4 финал босқичида Швейцарияга қарши майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади