UEFA Millatlar ligasi guruh bosqichining dastlabki turida Fransiya safarda Turkiya ustidan 1:0 hisobida g‘alaba qozondi. Bahsdagi yagona gol 54-daqiqada Kiliyan Mbappe tomonidan kiritildi.
Mazkur bahs Zinedin Zidan uchun Fransiya milliy jamoasi bosh murabbiyi sifatidagi ilk o‘yin bo‘ldi. OptaJean ma’lumotiga ko‘ra, mutaxassis 1994-yildan buyon milliy jamoa boshqaruvidagi debyut bahsida g‘alaba qozongan ilk fransiyalik murabbiyga aylandi.
Ma’lumot uchun, bundan 32 yil avval, 1994-yilda Eme Jakening ham Fransiya milliy jamoasi bosh murabbiyi sifatidagi ilk bahsi g‘alaba bilan yakunlangan. O‘sha bahsda fransuzlar Italiya ustidan zafar quchgan.
