Mbappe jarohat olib, Fransiya yig‘inini tark etdi

Kilian Mbappe sentyabr-oktyabr oylaridagi FIFA kunlarida boshqa maydonga tushmaydi.

Fransiya milliy jamoasi hujumchisi Turkiyaga (1:0) qarshi o‘yinda g‘alaba golini urgan paytda tizzasidan jarohat oldi.

Bosh murabbiy Zinedin Zidan o‘yindan keyin vaziyat «yaxshi ko‘rinmayotganini» aytdi. Shuning uchun tavakkalchilikka yo‘l qo‘ymaslik maqsadida Mbappe milliy jamoa ixtiyoridan ketadi.

Ko‘p o‘tmay Fransiya milliy jamoasi rasman ma’lum qildi: «Pay jarohati tufayli Kilian ushbu yig‘inlar yakuniga qadar maydonga tusha olmaydi»

Bu mavsumda hujumchi «Real» klubi va Fransiya milliy jamoasi safida 9 ta o‘yinda 9 ta gol urdi.