«Tizim hali to‘liq shakllanmagan» — Klopp Niderlandiya bilan durangdan so‘ng

Germaniya milliy jamoasi bosh murabbiyi Yurgen Klopp Millatlar ligasi 1-turidan o‘rin olgan Niderlandiya (1:1) bilan o‘yindan so‘ng o‘z fikrlarini bildirdi.

«Milliy jamoadagi debyut? Umuman olganda, o‘zimni yaxshi his qildim, ammo faoliyatim davomida 1000 dan ortiq o‘yin o‘tkazganman — shuning uchun bu menga yangilik emasdi.

O‘xshash vaziyatda bo‘lgan ikki juda yaxshi jamoa maydonga tushdi. O‘yinni yaxshi boshladik, ammo keyin jiddiy muammolarga duch keldik.

Tizim hali to‘liq shakllanmagan va jarayonlar yo‘lga qo‘yilmagan paytda shunday holatlar yuzaga keladi. Men jamoaning ishtiyoqi va yuqori intensivligidan juda mamnun bo‘ldim, ammo biz, albatta, bundan ham yaxshiroq o‘ynay olamiz», — deya Kloppning so‘zlarini keltiradi Bayern & Germany.

Ushbu bahs Germaniya va Niderlandiyaning yangi bosh murabbiylari Yurgen Klopp hamda Xavi uchun milliy jamoa boshqaruvidagi debyut o‘yini bo‘ldi.

2-turda nemislar 27 sentyabr kuni Gretsiyani qabul qiladi.