«Тизим ҳали тўлиқ шаклланмаган» — Клопп Нидерландия билан дурангдан сўнг

Германия миллий жамоаси бош мураббийи Юрген Клопп Миллатлар лигаси 1-туридан ўрин олган Нидерландия (1:1) билан ўйиндан сўнг ўз фикрларини билдирди.

«Миллий жамоадаги дебют? Умуман олганда, ўзимни яхши ҳис қилдим, аммо фаолиятим давомида 1000 дан ортиқ ўйин ўтказганман — шунинг учун бу менга янгилик эмасди.

Ўхшаш вазиятда бўлган икки жуда яхши жамоа майдонга тушди. Ўйинни яхши бошладик, аммо кейин жиддий муаммоларга дуч келдик.

Тизим ҳали тўлиқ шаклланмаган ва жараёнлар йўлга қўйилмаган пайтда шундай ҳолатлар юзага келади. Мен жамоанинг иштиёқи ва юқори интенсивлигидан жуда мамнун бўлдим, аммо биз, албатта, бундан ҳам яхшироқ ўйнай оламиз», — дея Клоппнинг сўзларини келтиради Bayern & Germany.

Ушбу баҳс Германия ва Нидерландиянинг янги бош мураббийлари Юрген Клопп ҳамда Хави учун миллий жамоа бошқарувидаги дебют ўйин бўлди.

2-турда немислар 27 сентябр куни Грецияни қабул қилади.