Аргентина миллий жамоаси бош мураббийи Лионел Скалони 2030 йилга қадар фаолиятини давом эттиради. Мураббий миллий жамоа билан шартномасини узайтирди.
«Менда худди илк кундагидек ғайрат ва иштиёқ бор. Фаолиятимни давом эттираётганимдан хурсандман. Бунинг учун миннатдорман. Энди эса биз учун янги босқич бошланмоқда», — дея Скалонининг сўзларидан иқтибос келтиради Аргентина миллий жамоасининг Х ижтимоий тармоғидаги расмий саҳифаси.
Маълумот учун, Скалони қўл остида Аргентина 2022 йилда Қатарда ўтказилган жаҳон чемпионати ғолибига айланган. 2026 йилги мундиал финалида эса Испанияга имкониятни бой берган.
Аввалроқ Лионел Месси Аргентина миллий жамоасидаги фаолиятини якунлаган эди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади