Германия миллий жамоаси Миллатлар лигасининг Нидерландияга қарши баҳсида янги либосда майдонга тушади. Дастлаб немислар 1990 йилги жаҳон чемпионатидаги форма услубида тайёрланган яшил ретро либосда ўйнашни режалаштирганди. Бироқ УEФА ушбу вариантни тасдиқламади.
Bild хабарига кўра, бунга Миллатлар лигаси регламентидаги талаблар сабаб бўлган. Унга кўра, футболчиларнинг енглари турнир эмблемасини жойлаштириш учун бўш қолиши, шунингдек, футболчи рақами кўкрак қисмида ҳам акс этиши керак. Ретро либос ушбу талабларга мос келмаган.
Шу тариқа, Германия Нидерландияга қарши баҳсда қора рангдаги янги либосда ўйнайди. Ушбу форма Адидас билан ҳамкорликдаги сўнгги тўплам бўлиб, январ ойидан бошлаб миллий жамоани Нике либос билан таъминлайди.
Баҳс 24 сентябр куни Амстердамдаги «Йоҳан Кройфф Арена» стадионида бўлиб ўтади ва Тошкент вақти билан 23:45 да бошланади. Бу беллашув Юрген Клопп учун Германия миллий жамоаси бош мураббийи сифатидаги илк баҳс бўлади.
