Norvegiya milliy jamoasi sobiq forvardi Ture Andre Flo hamyurti Erling Holand va fransiyalik hujumchi Kilian Mbappening Jahon chempionati-2026dagi qarama-qarshiligi haqida gapirdi.
Ma’lumot uchun, Norvegiya va Fransiya I guruhidan o‘rin egallagan hamda 26 iyun kuni maydonda ro‘baro‘ keladi.
«Nazrimda, bu haqda gapirishga hali vaqtli. Ularning har ikkisi samarali o‘yin ko‘rsatmoqda. Holand hali jahon chempionatlarida gol urmagan bo‘lsa-da, mana shu iyun oyida u ishini boshlaydi, deb o‘ylayman. Ammo keyin nima bo‘ladi, ko‘ramiz. Qo‘shimchasiga, hozir Mbappe va Holand bu qarama-qarshilik haqida o‘ylamayapti, degan fikrdaman. Ular shunchaki keyingi bosqichga chiqishni istaydi», – deya Flo so‘zlaridan iqtibos keltirdi RMC Sport.
Eslatib o‘tamiz, Norvegiya 28-yil o‘tib, yana JCH final bosqichida ishtirok etadi. Fransiyadan tashqari guruh bosqichida jamoa Iroq va Senegal milliy jamoalariga qarshi maydonga tushishi rejalashtirilgan.
