Braziliya milliy jamoasining sobiq hujumchisi Ronaldo Neymarni milliy jamoaga qaytarish qarorini qo‘llab-quvvatlashini aytdi.
«Albatta, men uning qaytishini qo‘llab-quvvatladim. Buning sababi juda oddiy — Neymar o‘yin taqdirini hal qila oladigan futbolchi. Hozirgi Braziliyada yakka o‘zi jamoaga g‘alaba keltira oladigan boshqa futbolchini ko‘rmayapman.
Shu sababli, agar bizda undan foydalanish imkoniyati bo‘lsa, bundan voz kechmasligimiz kerak. U shifokorlardan ruxsat oldi, jismoniy holati yaxshi. Endi esa unga ishonmaganlarning ovozini o‘chirish imkoniyati bor.
Men ham 2002 yilda katta qaytishni boshdan kechirganman. Shu bois Neymarni to‘liq qo‘llab-quvvatlayman», — dedi Ronaldo.
Afsonaviy hujumchi Neymarning asosiy tarkibda maydonga tushishini intiqlik bilan kutayotganini ham yashirmadi.
«Men bundan juda hayajondaman va bu qarorni to‘liq qo‘llab-quvvatlayman. 34 yoshida u o‘z iqtidorini isbotlashi shart emas. Ammo uning o‘yini uni allaqachon hisobdan chiqarganlarning barchasini jim qilishiga umid qilaman.
Chunki buyuk sportchining muvaffaqiyatli qaytishini ko‘rishdan-da yoqimliroq narsa yo‘q», — deya qo‘shimcha qildi Ronaldo.
