Umar Eshmurodov Oʻzbekiston milliy jamoasidagi faoliyatini yakunlaganini eʼlon qildi.
«Nasaf»ning 33 yoshli himoyachisi bu haqda Instagram sahifasida maʼlum qildi.
«Milliy jamoa — orzu, sharaf, or-nomus, gʻurur...
Endi muxlis sifatida davom etamiz. Olgʻa, Oʻzbekiston!» — deb yozib qoldirdi futbolchi.
Eshmurodov Oʻzbekiston milliy jamoasining Jahon chempionatiga chiqishida asosiy himoyachilardan biri edi. U saralashda 8 ta bahsda harakat qilgan edi.
Umarga mundialda oʻynash imkoniyati berilmadi. U uchala oʻyinda ham zaxirada qoldirildi va Avazbek Oʻlmasaliyev hamda Botirali Ergashev bilan bir qatorda maydonga tushmagan uch futbolchidan biri boʻldi. Yaʼni bosh murabbiy Fabio Kannavaro 26 oʻyinchining 23 nafaridan foydalandi.
