«Real» prezidenti Florentino Peres La Liga 35-turi doirasidagi «Barselona»ga qarshi safar bahsini o‘tkazib yuborishi mumkin.
Bu haqda El Chiringuito TV dasturi boshlovchisi Xosep Pedrerol o‘z efirida ma’lum qildi. Uning aytishicha, 79 yoshli klub rahbari Barselonaga safar qilmoqchi emas va «Kamp Nou»da bo‘ladigan bahsni stadiondan tomosha qilmaydi.
Ma’lumot uchun, 10 may kuni bo‘lib o‘tadigan klassikoda «Barselona»ga durang natija ham yetarli bo‘ladi — bu holatda kataloniyaliklar muddatidan oldin chempionlikni rasmiylashtiradi. Hozirda jamoalar o‘rtasidagi farq 11 ochkoni tashkil etmoqda va mavsum yakuniga 4 tur qolgan.
