Madridning «Real» klubi yarimhimoyachisi Eduardo Kamavinga «Manchester Siti»ga taklif qilindi.
The Touchline nashri jurnalist Matteo Morettoga tayanib xabar berishicha, 23 yoshli futbolchining nomzodi Angliya grandi rahbariyatiga tavsiya etilgan. Ayni paytda «Manchester Siti» Kamavingani o‘z safiga qo‘shib olish imkoniyatini ko‘rib chiqmoqda.
Eslatib o‘tamiz, bir necha kun avval OAVda «Real» bosh murabbiyi Joze Mourinyo Eduardo Kamavingani o‘z rejalariga kiritmagani va yozgi transfer oynasida uni qo‘yib yuborishga tayyor ekani haqida xabarlar tarqalgandi.
Ma'lumot uchun, Transfermarkt portali Eduardo Kamavinganing transfer qiymatini 50 million yevroga baholamoqda. Uning «Real» bilan amaldagi shartnomasi 2029 yilning yoziga qadar mo‘ljallangan.
