Niderlandiya milliy jamoasi darvozaboni Bart Verbryuggen bolaligida kuzatgan birinchi jahon chempionati haqidagi xotiralari bilan o‘rtoqlashdi.
«Men sakkiz yoshda edim, finaldagi mag‘lubiyatni yuragimga yaqin olgandim, lekin jamoamiz bilan juda faxrlangan edim. Men o‘sha jamoani yaxshi ko‘rib qolganman va umid qilamanki, biz ham o‘sha muvaffaqiyatni takrorlay olamiz. Esimda qolgan narsa shundaki, Aren Robben Iker Kasilyasning darvozasiga zarba yo‘llagan lahza va ispanlarning goli. Lekin men bu jamoamiz bilan juda faxrlangandim, ular juda ajoyib musobaqa o‘tkazishgan, Braziliyani mag‘lub etishgan, bu juda hayratlanarli edi», - deya Verbryuggenning so‘zlaridan iqtibos keltirdi The Independent.
Ma’lumot uchun, 2010 yilgi jahon chempionatida Niderlandiya milliy jamoasi finalgacha yetib borgan va Ispaniya milliy jamoasiga yutqazib qo‘ygan (0:1).
Eslatib o‘tamiz, 2026 yilgi jahon chempionatida Niderlandiya milliy jamoasi F guruhida Yaponiya, Shvetsiya va Tunisga qarshi maydonga tushadi.
