Madridning «Real» klubi bosh murabbiyi Joze Mourinio muvaffaqiyatli murabbiylik faoliyatining siri nimada ekanligi haqidagi savolga javob berdi. Portugaliyalik mutaxassis bunga bir nechta omillar uyg‘unligi sabab bo‘lganini ta’kidladi. Marca nashri Mourinioning so‘zlarini keltirmoqda.
«Bu bir nechta omillarning uyg‘unligidan iborat. Men muayyan iste’dod bilan tug‘ilganman va doimo keyingi qadamga tayyorgarlik ko‘rganman. Hammasi bosqichma-bosqich men uchun qulay tarzda rivojlandi. Atrofimizda ko‘plab insonlar bo‘lishiga qaramay, murabbiy doimo yolg‘iz qoladi va bu og‘ir. O‘z zaif tomonlaringizni yashira olish kerak», — dedi Mourinio.
Ma’lumot uchun, Mourinio ushbu mavsum boshlanishidan avval «Real»ga qaytdi. La Liga 12-turidan keyin madridliklar 30 ochko bilan turnir jadvalida ikkinchi o‘rinda bormoqda.
Eslatib o‘tamiz, «Real» 21-noyabr kuni o‘z maydonida «Selta»ni qabul qiladi. Bahs Toshkent vaqti bilan 23:00 da boshlanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi