Bugun
12
O'zbek

Karvaxal JCH-2026 finalidan keyin nega ko‘z yoshlarini tiya olmaganini tushuntirdi

Futbol
18 noyabr, 02:00
    10
«Real» sobiq himoyachisi Ispaniyaning jahon chempionligini qo‘lga kiritganini kuzatish unga og‘ir kechganini tan oldi.
Karvaxal JCH-2026 finalidan keyin nega ko‘z yoshlarini tiya olmaganini tushuntirdi
Foto: Getty Images

«Xetafe» himoyachisi Daniyel Karvaxal 2026 yilgi Jahon chempionatida ishtirok etishni juda istaganini aytdi. Futbolchi Ispaniya milliy jamoasining turnirdagi barcha bahslarini kuzatgan.

«Men Ispaniya milliy jamoasining Jahon chempionatidagi birorta bahsini o‘tkazib yubormadim. Finalda g‘alaba qozonganimizda juda xursand bo‘ldim, biroq ko‘z yoshlarimni tiya olmadim. Axir men ham u yerda bo‘lishim mumkin edi... Aynan shu sovrin menga yetishmayapti. Klub miqyosida barcha sovrinlarni qo‘lga kiritganman, Yevropa chempioni ham bo‘lganman. Jahon chempionati — har bir futbolchi orzu qiladigan musobaqa», — dedi Karvaxal laSexta Deportes nashriga.

Eslatib o‘tamiz, 2026 yilgi Jahon chempionati finalida Ispaniya milliy jamoasi qo‘shimcha bo‘limlarda Argentinani mag‘lub etdi. Bahs 1:0 hisobida yakunlangan.

Karvaxal Ispaniya milliy jamoasi safida barcha musobaqalarda 52 ta bahsda maydonga tushgan. U hisobiga bitta gol va yettita golli uzatmani yozdirib qo‘ygan. Futbolchi milliy jamoa safidagi so‘nggi bahsini 2025 yil sentabr oyida o‘tkazgan.

Tegishli jamoalar va ligalar

  • Ispaniya Ispaniya
  • Real Madrid Real Madrid
  • Xetafe Xetafe
Yangi munozara

Muxlislar bu yangilikni Telegram’da muhokama qilmoqda

10 izoh
Muhokamaga o‘tish

Izohlar Telegram’da ochiladi

Bugungi yangiliklar