Argentina milliy jamoasi hujumchisi Lionel Messi Avstriyaga qarshi bo‘lib o‘tadigan Jahon chempionati guruh bosqichi bahsida birdaniga uchta rekordni yangilash imkoniyatiga ega.
Messiga ketma-ket oltita Jahon chempionati o‘yinida gol urish rekordini takrorlash uchun yana bitta gol yetishmayapti. Hozircha ushbu natija Jyust Fonten va Jairzinyoga tegishli.
Shuningdek, argentinalik futbolchi mundiallar tarixidagi eng yaxshi to‘purarlar ro‘yxatida Miroslav Kloze bilan birinchi o‘rinni bo‘lishib turibdi. Har ikki futbolchi hisobida 16 tadan gol mavjud. Avstriya darvozasiga uriladigan navbatdagi gol Messini yakka peshqadamga aylantiradi.
Bundan tashqari, Messi Jahon chempionatlarida jarima maydonchasi tashqarisidan urilgan gollar bo‘yicha ham rekordini mustahkamlashi mumkin. Hozirda uning hisobida bunday gollardan beshtasi bor.
Ma’lumot uchun, Argentina va Avstriya milliy jamoalari o‘rtasidagi bahs 22 iyun kuni bo‘lib o‘tadi. Argentina ilk turda Jazoirni 3:0 hisobida mag‘lub etgan va guruh peshqadamlaridan biri bo‘lib turibdi.
