«Real» hujumchisi Kilian Mbappe jarohatdan tiklanish jarayonini tezlashtirish uchun individual mashg‘ulotlar o‘tkazmoqda.
As xabariga ko‘ra, jamoaga dam berilgan kunda ham fransiyalik futbolchi bazaga kelib, fizioterapevtlar va reabilitatsiya mutaxassislari bilan ishlagan. U o‘tgan hafta ham shunday tartibda alohida mashg‘ulot o‘tkazgandi.
Mbappening asosiy maqsadi — yakshanba kuni bo‘lib o‘tadigan «El Klasiko»da maydonga tushish.
Qayd etilishicha, futbolchining bahsda ishtirok etishi borasidagi yakuniy qaror chorshanba kuni o‘tkaziladigan MRT tekshiruvlaridan so‘ng qabul qilinadi.
