Germaniya milliy jamoasi darvozaboni Manuel Noyer milliy jamoa safidagi faoliyatini yakunlaganini e'lon qildi.
39 yoshli posbon JCH-2026 1/16 finalida Paragvayga qarshi bahsdagi mag‘lubiyatdan so‘ng xalqaro faoliyatini tugatishga qaror qildi.
«Barchasi aynan shunday yakun topayotganidan juda afsusdaman…», — dedi Noyer. Uning so‘zlarini jurnalist Fabritsio Romano keltirdi.
Germaniya JCH-2026 guruh bosqichida E guruhida 6 ochko jamg‘arib, birinchi o‘rinni egallagandi. «Bundestim» Kyurasaoni 7:1, Kot-d’Ivuarni 2:1 hisobida mag‘lub etgan, so‘nggi turda esa Ekvadorga 1:2 hisobida imkoniyatni boy bergan. 1/16 finalda Paragvay bilan bahs penaltilar seriyasigacha yetib bordi va Germaniya musobaqani tark etdi.
Manuel Noyer 2009 yildan buyon Germaniya safida to‘p surdi. U milliy jamoa tarkibida jami 128 ta uchrashuvda maydonga tushdi va 2014 yilda Jahon chempioni bo‘ldi.
