Tajribali murabbiy Yuriy Syomin JCH-2026 1/8 final bosqichiga yo‘llanmani qo‘lga kiritgan Marokash milliy jamoasining salohiyati va imkoniyatlari haqida gapirdi. 1/16 finalda (1:1) marokashliklar penaltilar seriyasida Niderlandiyani mag‘lub etishdi.
«Avvalgi mundialda, 2022-yildayoq hamma Marokashning kuchini ko‘rgandi, endi barcha buni 2026 yildagi jahon chempionati guruh bosqichida ko‘rishdi. Nazariy jihatdan marokashliklar JCH-2022 muvaffaqiyatini takrorlashlari va yarimfinalga yetib borishlari mumkin, ammo buni amalga oshirish juda qiyin bo‘ladi», - dedi Syomin.
Ma’lumot uchun, 1/8 final bosqichida Marokash milliy jamoasi mezbonlardan biri Kanadaga qarshi maydonga tushadi.
Eslatib o‘tamiz, JCH-2022da jamoa 4-o‘rinni egallagan edi.
