«Barselona» prezidenti Joan Laporta jamoa yarimhimoyachisi Pedrini kataloniyaliklar safida to‘p tepgan afsonalar Xavi va Andres Inyesta bilan taqqosladi.
«Uning o‘yinini tomosha qilganimda, shunchaki erib ketaman. Men uchun u Xavi va Inyestaning birlashgan ko‘rinishi. Buni tasavvur qilish juda qiyin edi, ammo Pedri men uchun aynan shunday futbolchi», — dedi Laporta TUDN nashriga bergan intervyusida.
Eslatib o‘tamiz, Xavi va Inyesta 2002–2015-yillar davomida «Barselona» safida birgalikda to‘p tepgan. Har ikki futbolchi klub akademiyasi tarbiyalanuvchisi hisoblanadi. Ular kataloniyaliklar bilan birgalikda 4 martadan Chempionlar ligasida g‘olib chiqqan.