«Bavariya» «Barselona» hujumchisi Gabriel Jezusni jarohat olgan Harri Keynga ehtimoliy o‘rinbosar sifatida ko‘rib chiqmoqda. Angliyalik futbolchi olgan jarohati sabab taxminan 3 oy maydonga tusha olmasligi mumkin. Bu haqda jurnalist Xuan Jezus X ijtimoiy tarmog‘idagi sahifasida xabar berdi.
Manba ma’lumotiga ko‘ra, braziliyalik futbolchi va uning oilasi Barselonada o‘zlarini qulay his qilmoqda. Jezus qishda kataloniyaliklar safini tark etishni rejalashtirmayapti. Garchi u bosh murabbiy Hansi Flikning ishonchini hali to‘liq qozona olmagan bo‘lsa-da, «Barselona» ham 29 yoshli hujumchini sotishga tayyor emas.
Gabriel Jezus o‘tgan yilning sentabr oyida «Barselona» safiga kelib qo‘shilgan. Shu vaqt davomida u barcha musobaqalarda 10 ta bahsda maydonga tushib, 4 ta gol va 2 ta golli uzatmaga mualliflik qilgan.
Braziliyalik futbolchining kataloniyaliklar bilan amaldagi shartnomasi 2029-yilning yoziga qadar mo‘ljallangan. Transfermarkt portali uning bozor qiymatini 17 million yevroga baholamoqda.
Eslatib o‘tamiz, Harri Keyn Bundesliganing 10-turi doirasida «Kyoln»ga qarshi bahsda (1:1) chap to‘pig‘idagi sindezmoz boylamini uzib olgan va jarrohlik amaliyotini o‘tkazgan.