«Manchester Yunayted» yarimhimoyachisi Brunu Fernandesh 2019-yilda «Tottenhem» safiga o‘tish imkoniyati bo‘lganini aytib berdi. Futbolchi o‘sha paytda London klubi rahbariyati bilan uchrashganini ma’lum qildi.
«Men «Tottenhem» rahbariyati bilan uchrashganman. Ular menga mashg‘ulot bazasidagi barcha yaxshi jihatlarni, shuningdek, jamoa qanday futbol o‘ynashni istayotganini ko‘rsatishdi. Murabbiy ushbu tizimda qaysi pozitsiyalarda o‘ynashim mumkinligini ham tushuntirdi.
Bu g‘oyalar menga yoqdimi? Ha, ular yaxshi edi. Albatta, o‘sha paytda men hali juda yosh futbolchi edim — 24 yoshda edim», — deya Fernandeshning so‘zlarini keltiradi The Touchline.
Ma’lumot uchun, portugaliyalik futbolchi 2020-yilning yanvar oyi oxirida «Manchester Yunayted» safiga qo‘shilgan.
Eslatib o'tamiz, avvalroq portugaliyalik futbolchi agar «Manchester Yunayted» rahbariyati istasa klubdan ketishi mumkinligini ta'kidlagan edi.