«PSJ» qishki transfer oynasida hujum chizig‘ini kuchaytirishi mumkin. Bunga jamoa hujumchilari Dezire Due va Xvicha Kvaratsxeliyaning jarohat olgani sabab bo‘lmoqda. Fransiyalik futbolchi 21-noyabr kuni Liga 1ning 11-turi doirasida «Nitsa»ga qarshi bahsda (3:2) jarohatlangan edi.
TEAMtalk xabariga ko‘ra, parijliklar yanvar oyida «Bornmut» hujumchisi Eli Kroupini transfer qilishga urinib ko‘rishi mumkin.
Manba ma’lumotiga ko‘ra, «PSJ»ning qishki transfer bozoriga yangi hujumchi izlab chiqishi deyarli muqarrar bo‘lib qolgan. Luis Enrike ixtiyorida Usmon Dembele, shuningdek, yozgi transferlar Mika Godts va Ferran Torres bor. Shunga qaramay, jarohatlar sabab tarkibdagi hujumchilar soni kamaygan.
Qayd etilishicha, Kroupiga Londonning «Tottenhem» va «Arsenal» klublari ham qiziqish bildirmoqda. «Bornmut» 20 yoshli hujumchisini qo‘yib yuborish uchun 95 million yevro talab qilishi mumkin.
Ma’lumot uchun, Eli Kroupi ushbu mavsum «Bornmut» safida to‘p tepmoqda. Uning transferi uchun «PSJ» Angliya klublari bilan raqobatlashishiga to‘g‘ri kelishi mumkin.