«ПСЖ» қишки трансфер ойнасида ҳужум чизиғини кучайтириши мумкин. Бунга жамоа ҳужумчилари Дезире Дуе ва Хвича Кварацхелиянинг жароҳат олгани сабаб бўлмоқда. Франциялик футболчи 21 ноябр куни Лига 1нинг 11-тури доирасида «Ницца»га қарши баҳсда (3:2) жароҳатланган эди.
ТEАМtalk хабарига кўра, парижликлар январ ойида «Борнмут» ҳужумчиси Эли Кроупини трансфер қилишга уриниб кўриши мумкин.
Манба маълумотига кўра, «ПСЖ»нинг қишки трансфер бозорига янги ҳужумчи излаб чиқиши деярли муқаррар бўлиб қолган. Луис Энрике ихтиёрида Усмон Дембеле, шунингдек, ёзги трансферлар Мика Годц ва Ферран Торрес бор. Шунга қарамай, жароҳатлар сабаб таркибдаги ҳужумчилар сони камайган.
Қайд этилишича, Кроупига Лондоннинг «Тоттенҳэм» ва «Арсенал» клублари ҳам қизиқиш билдирмоқда. «Борнмут» 20 ёшли ҳужумчисини қўйиб юбориш учун 95 миллион евро талаб қилиши мумкин.
Маълумот учун, Эли Кроупи ушбу мавсум «Борнмут» сафида тўп тепмоқда. Унинг трансфери учун «ПСЖ» Англия клублари билан рақобатлашишига тўғри келиши мумкин.